எய்ட்ஸ்

எரிமலையின்      குமுறல்;

அலைகடலின்      சீற்றம்;

கரை கடர்  புயலின்   வேகம்;

கோபத்தின்     உச்சம்;

குள்ள நரியின் தந்திரம்;

நடுநிசி  மயான  அமைதி;

அரக்கனின்  அசுரத்தனம்;

மோகத்தின்    உச்சநிலை;

அணுவின்  ஆற்றல் .........

அத்தனையும்    ஒன்றாய்

ஆம்!

அத்தனையும்  ஒன்றிலேயே,

துப்பாக்கியின்  தோட்டாவாய்,

நாணேற்றிய   அம்பாய்,

அணை திறந்த  வெள்ளமாய் - வருகிறேன்!

சிக்கினோரை   தப்பவிடேன்,

உதிரத்தில்  புகுந்திடுவேன்,

உயிரினையும்   குடித்திடுவேன்!

கேள்  கேடுகெட்ட  மானிடனே,

உன் மனை  தவிர்த்து  உறவு வேண்டாம்!

சோதித்த  இரத்தமின்றி  வேறு வேண்டாம்!!

அசுத்த ஊசியா  வேண்டவே வேண்டாம்!!!

தப்பானால்  சிக்கிடுவாய்;

சிக்கினால்  தப்பிடாய்.

எனை  வென்றிட  யாருளார்??

மானுடமே  எனதடிமை!

எனவே தான்,

எனை  அறிந்து கொள்.

உனை  திருந்தி கொள்.