எதுடா நீதி?

பெரும்பான்மை நீ பேசினா சமூகநீதி!
சிறுபான்மை நான் பேசினா சாதியவாதமா?

தாழ்த்தியவன் நீ பேசினா சமூகநீதி!
தாழ்த்தப்பட்டவன் நான் பேசினா சாதியவாதமா?

ஒடுக்கியவன் நீ பேசினா சமூகநீதி!
ஒடுக்கப்பட்டவன் நான் பேசினா சாதியவாதமா?

ஆண்டவன்-னு நினைக்கிற நீ பேசினா சமூக நீதி!
அடக்கப்பட்டவன் நான்  பேசினா சாதிய வாதமா?

அடித்தவன்  நீ பேசினா சமூக நீதி!
அடிப்பட்டவன் நான்  பேசினா சாதிய வாதமா?

அனுபவித்தவன் நீ பேசினா சமூக நீதி!
அனுமதி மறுக்கப்பட்டவன் நான்  பேசினா சாதிய வாதமா?

உலகம் பார்க்க நீ செய்வது சமூக நீதி!
உலகுக்கு உன்னை காட்ட நான் செய்வது  சாதிய வாதமா?

பணக்காரன் நீ போட்டா தர்மம்!
பசித்தவன் நான் எடுத்தா திருட்டா?

என்னடா பிரச்சினை உனக்கு?
எதற்கடா இத்தீராத வன்மம் உனக்கு?

சமநீதி வேண்டும் எனக்கு!
சமத்துவமும் வேண்டும் எனக்கு!

என்ன உலகமடா இது?

பாதிக்கப் பட்டவன் நான் பேசினாலும் -என்னை
பாதித்தவன் அவன் பேசினாலும் 
ஒரே விதனமான எதிர் வினை தானா?

குற்றமிழைத்தவன் நீ பேசலாம்...
நிரபராதி நான் பேசலாகாதா?

குரலில்லாமலிருந்தேன்!
குரலெழுப்பவே கூடாதா?

அடி வாங்கியவனாக பேசுகிறேன்;
                                       பேசவிடுங்கடா.

அடக்கப் பட்டவனாக பேசுகிறேன்;
                                        பேசவிடுங்கடா.

அனுமதி மறுக்கப் பட்டவனாக பேசுகிறேன்;
                                       பேசவிடுங்கடா.

பாதிப்படைந்தவனாக பேசுகிறேன்;
                                        பேசவிடுங்கடா.

வலி நிறைந்த வார்த்தைகள் அவை
வாயிலிருந்து பிரசவிக்கவாவது விடுங்கள்
வருமுன்னே அதையும் கொன்று விடாதீர்கள்!
வாய் திறந்து அழுது கொள்கிறேன்!!


அதுவும் கூடாதென்றால்
"இந்த நாடும் நாட்டு மக்களும் நாசமாய் போகட்டும்"
"இங்கு வீசும் காற்றில் விசம் பரவட்டும்"
"ஒரு கோவிட்-19 இல்ல ஒன்பது கொரோனாக்கள்
உற்பத்தி ஆகட்டும்"
நீங்களும் சாவுங்கள்; நானுன் செத்து தொலைகிறேன்!



Comments

Post a Comment

Popular posts from this blog

இரங்கற்பா

Image
மாப்ள...மாப்ள...மாப்ள... மூச்சுக்கு முன்னூறு முறை முணுமுணுக்குமே உன் வாய் மறுதலிக்கிறதே இப்போது ஏன்? சொல்லு மாப்ள சொல்லு! அலைபேசி அழைப்புக்கெல்லாம் அதிருமே "மாப்ள சொல்லு" அமைதி ஆகியதே அந்த வார்த்தை எப்படி? சொல்லு மாப்ள சொல்லு! மின்சார துண்டிப்பா முதலாவது  அழைப்பது உன்னைத்தானே இனி யாரை அழைப்பேன் நான்? சொல்லு மாப்ள சொல்லு! "உன்னைத்தானே மாப்ள செய்ய முடியும்" உரிமையான உனது கேலியும் கிண்டலும் வச்சு செய்வாயே, இனி யார் செய்வார் சொல்லு மாப்ள சொல்லு! ஊருக்கு வரும்போதெல்லாம் உடனே வந்து பார்ப்பாயே பாசமாய் விசாரிப்பாயே இனி யார் விசாரிப்பார்? சொல்லு மாப்ள சொல்லு! ''உனக்கென்ன மாப்ள நீள காலு...நில்லு''! என்று தானே எப்போதும் சொல்வாய் இன்று நீ மட்டும் எப்படி முந்தி சென்றாய்? சொல்லு மாப்ள சொல்லு! எதையுமே கேட்டதில்லை.... "காலம் வரும்போது கேட்பேன்" என்றாயே எப்போதும் காலன் வந்து விட்டானே..ஏன்? சொல்லு மாப்ள சொல்லு! அங்கே அப்பா அழைத்ததால் சென்றாயே, இங்கே அப்பா என்றழைக்கும் எம் மருமக்களுக்கு என்ன பதில்? சொல்லு மாப்ள சொல்லு...
Read more

பழங்கால தமிழர்களும் வேதாகம அறிவும்.

பழங்கால தமிழர்களுக்கு வேதாகம அறிவு புகுத்தப் பட்டுள்ளது என்கிற என் கருத்தை உங்களில் பலரும் ஏற்காமல்; "கல் தோன்றி, மண் தோன்றா காலத்து முன் தோன்றி மூத்த தமிழ் எங்கள் தமிழ்"...என்று முழங்குவது என் காதுகளில் மட்டுமல்ல; என் உள்ளிலும் தொனிக்கத்தான் செய்கிறது...நானும் தமிழன் தானே!? டார்வின் தத்துவத்தின் படி கல் மண் எல்லாம் தொன்றுவதற்கு முன் மனிதனும் மொழிகளும் தோன்றி இருக்க வாய் ப்பே  இல்லை. அது ஒரு பக்கம் இருக்கட்டும். சமக் காலத்து நிகழ்வுகள் எல்லாம் ஒன்றுக்கொன்று தொடர்பு உடையவை என்று கூறும் கேயாஸ் தத்துவம் , ஒரு பட்டாம் பூச்சி இறக்கையின் படபடப்பிறக்கும் ஒரு பூகம்பத்திற்கும் கூட தொடர்பு உண்டு என்றும் கூறுகிறது. அப்படி என்றால் இவ்வுலக நாதனின் உதட்டசைவு ஏன் சம காலத்து நம்மவர்களின் எழுத்தாணியை அசைத்திருக்கக் கூடாது?????? உங்கள் சந்தேகம் எனக்கும் தான்..ஏன் நம்மவர் எழுத்தாணியின் அசைவு  இவ்வுலக பிதாவின் உதட்டை அசைத்திருக்க முடியாது? என்பது தானே? மேலே படியுங்கள், நமது  எத்தனை படைப்புக்கள் பிற மொழிகளில் மொழிமாற்றம் செய்யப்பட்டுள்ளன?? எத்தனை கோலிவுட் காவியங்கள் ஹாலிவுட் ச...
Read more